वाट तुझी पाहताना

१.
वाट तुझी पाहताना
डोळे शिणून जातात
लोक आजूबाजूचे
मला पुतळा समजतात
..... प्रल्हाद दुधाळ.
२.वाट तुझी पाहताना
भर्रकन वेळ जातो
तुझ्या प्रेमाखातर
कधी उपाशी रहातो
 ..... प्रल्हाद दुधाळ.
३.
वाट तुझी पाहताना
हरपते माझे ग भान
तु समोर दिसेपर्यंत
अवघडते माझी मान
..... प्रल्हाद दुधाळ.
४.
वाट तुझी पाहताना
माझी मी नाही उरत
समोर आलास की
काय बोलू नाही ठरत
.... प्रल्हाद दुधाळ.
५.
वाट तुझी पाहताना
तशी मला येते मजा
भेट नाही झाली तर
द्यावी वाटे तुला सजा
..... प्रल्हाद दुधाळ.
६.
वाट तुझी पाहताना
 लागली माझी वाट
आईने बदडून काढले
सोलाटली सारी पाठ
  .... प्रल्हाद दुधाळ.
७.
वाट तुझी पाहताना
सरलं अर्ध हे वय
आता भेट होईल का
वाटे अनाठायी भय
... प्रल्हाद दुधाळ.
८.
वाट तुझी पाहताना
रस्त्यावर घेतो डुलकी
वेडा समजून वाहनस्वार
शिवी घालती मला शेलकी
..... प्रल्हाद दुधाळ.
९.
वाट तुझी पाहताना
मध्य रात्र की झाली
आता तू गेला उडत
मला खूप झोप आली
...... प्रल्हाद दुधाळ.