चारोळ्या-आरोळ्या – प्रल्हाद दुधाळ
Tuesday, June 27, 2017
कल्पनां
लिहित असतो काहीबाही
मला शोधू नका त्या शब्दांत...
जिताजागता आहे समोर
जोखत बसू नका कल्पनांत...
..... प्रल्हाद दुधाळ.
व्यर्थ ...
व्यर्थ ...
सौंदर्य बुध्दी शिक्षण करिअर
पद प्रतिष्ठा पैसा सर्व बेकार ...!
जर जोडीला यांच्या दुराभिमान
आणि नको एवढा तो अहंकार...!
.... प्रल्हाद दुधाळ .
आव्हान
आलोय मेटाकुटीला पेलताना
इथल्या या जगण्यातले आव्हान...!
कसे काय राखत बसावे भान
घडोघडी सोडून आत्मसन्मान...?
प्रल्हाद दुधाळ.
घुटमळ
प्राजक्ताचा सडा अंगणात माझ्या
सुगंध आसमंती दरवळतो...
माहीत आहे येता जाता कशाला
माझ्या आसपास तू घुटमळतो...
..... प्रल्हाद दुधाळ .
Newer Posts
Older Posts
Home
Subscribe to:
Posts (Atom)