भास..

भास..
प्राजक्ताच्या पायघड्या 
सुंगंधाची दरवळ...! 
अवचित होतो भास 
आहे इथे तू जवळ...! 
.... प्रल्हाद दुधाळ.

प्राजक्त ...

प्राजक्त ...
पहाटवारा गंधीत झाला
किनकिनतो तुझा ग चुडा...
पदरव त्याचा टपटप
दारावर प्राजक्ताचा सडा ...
**** प्रल्हाद दुधाळ.

धाक

धाक.
असते बोलायाचे खूप 
शब्द नाहीच येत ओठी... 
धाक घालतात संस्कार 
कधी अहंकाराच्या गाठी...
...... प्रल्हाद दुधाळ.

नाही.

नाही.
लिहिल्या तोडक्या ओळी काही 
त्यांना 'गजल' म्हणालो नाही!
वागावे बरे कोणी म्हणोनी 
कोणा 'बदल' म्हणालो नाही!
...... प्रल्हाद दुधाळ