झलक

झलक .
चढलेला पारा
घामाच्या या धारा
झलक एकच
थंडगार वारा
.... प्रल्हाद दुधाळ 

दुखडं

दुखडं.
आवडतात छोट्या समस्या
आम्हाला सदा मिरवायला..!
इवली इवलीशी ती दु:खे
पुन्हा तीच ती  गिरवायला..!
....... प्रल्हाद दुधाळ.

कशाला

.......कशाला .......... 
नियतीने दिलेले पत्ते 
स्वीकारून डाव खेळावा! 
डोकावून कधी कुठेही 
कशाला जीव हा जाळावा?
.....प्रल्हाद दुधाळ.

कधी कधी

सगळेच नमतात 
त्या उगवत्या सुर्याला..!
वंदन करावे कधी 
मावळतीच्या दर्याला..!
.... प्रल्हाद दुधाळ.

डाव

 .......डाव ..........
नियतीने दिलेले पत्ते
स्वीकारून डाव खेळावा!
डोकावून कधी कुठेही
कशाला जीव हा जाळावा?

खेळताना पत्त्याचा डाव 
राखावा हुकमाचा एक्का..! 
राणी असो किंवा गुलाम 
विजय आपलाच पक्का..!