नाते

 

पाऊस_चारोळी 
धो धो पाऊस आणि माझे
कुणास ठाऊक काय नाते
कोसळतो आडवा तिडवा
मनाची या घालमेल होते
©प्रल्हाद दुधाळ.

कशाला

कशाला?
सोडायचं नव्हतंच तर
 जायचंच कशाला
 ताकाला जाऊन भांड
 लपवायचं कशाला

 एकदा सोडलंच तर
 आठवायचं कशाला
  पुन्हा मान फिरवून
  माग बघायचं कशाला

    © प्रल्हाद दुधाळ 

अंतरंग

अंतरंग

अंतरंगातले ते  रंग
काही गर्द काही फिके
काही बोलती घडाघडा
काही अबोल जणू मुके

जशी व्यक्ती तशी वृत्ती
कुणी आतल्या आत दंग
सुखी जीवनाचे आहे मर्म
असावे पारदर्शी अंतरंग
©प्रल्हाद दुधाळ

जपून...

जपून...
सांभाळूनच जरा मुली
नाजूक तुझी ग पावलं
थिरकू दे तालसुरात
दाखव कौशल्य आपलं
   ©प्रल्हाद दुधाळ

पहाट

पहाट...
 आजच्या पहाटेचा
 आहे अंदाज न्यारा
 आठवण तुझी अन
 बोचरा थंड वारा
    ... प्रल्हाद दुधाळ.

घन ओथंबून आले

घन ओथंबून आले
चिंतातूर मन झाले
कुठे घ्यावा रे आसरा
नयनात पाणी आले

घन ओथंबून आले
आता येईल ती सर
अशा रम्य या सांजेला
प्रेम भावनेला बहर

घन ओथंबून आले
येईल तो मृदगंध
अशी झाले उतावीळ
घेण्या भरून सुगंध

घन ओथंबून आले
विचाराने मन चिंब
गोंधळले किती सांगू
ओशाळले प्रतिबिंब

घन ओथंबून आले
मनी दाटे हूरहूर
असशील कुठे आता
मी इथे तू तिथे दूर
....प्रल्हाद दुधाळ.

घरटे